काठमाडौं । आज चैत शुक्ल अष्टमी, अर्थात हिन्दूहरुको पर्व चैते दशैं । देवीको पूजा र उपासना गर्दै मनाईंदै छ । असुर शक्तिमाथि दैवीशक्तिको विजय तथा असत्यमाथि सत्यको विजयका रुपमा हिन्दूहरुले वर्षको दुईपटक दशैं मनाउने गरेका छन् ।
असोजमा मनाइने दशैंलाई बडादशैं र चैतमा मनाइनेलाई चैते दशैंका रुपमा चिनिन्छ ।
चैते दशैंका अवसरमा काठमाडौंको पशुपतिनाथ मन्दिरमा समेत भीड लागेको छ । बिहानैदेखि पशुपतिनाथको दर्शन गर्न दर्शनार्थीहरु पुग्ने क्रम जारी छ ।
