बुटवल । रुपन्देहीको देवदहस्थित क्वारेन्टिनमा सुरक्षा गार्डका रुपमा काम गर्दै आएका देवदह–५ मितेरी टोलका २४ वर्षका विपिन बस्यालले मट्टीतेल खन्याएर आत्मदाह गरेका ।हुन् ।
प्रहरीका अनुसार मंगलबार बिहान जलेर गम्भीर घाइते भएका बस्यालको पाल्पा मिसन अस्ताल लैजाने क्रममा बुटवलमा मृत्यु भएको हो । बस्याललाई देवदह मेडिकल कलेजमा दुई घण्टा उपचार पश्चात पाल्पा मिसन अस्पताल लैजाने क्रममा बाटोमै स्वास्थ्य अवस्था जटिल देखिएपछि लुम्बिनी प्रादेशिक अस्पताल बुटवलमा पुर्याएको थियो ।
देवदह नगरपालिका वडा नम्बर ७ शित्तलनगरस्थित नेपाल मगर संघको भवनमा बनाइएको क्वारेन्टिनमा सुरक्षा गार्डका रुपमा काम गर्दै आएका उनले के कारणले आत्महत्या गरे भन्ने खुल्न नसकेको र घटनाबारे अनुसन्धान शुरु भइसकेको इलाका प्रहरी कार्यालय बुटवलका प्रमुख डीएसपी प्रतितसिंह राठौरले बताए ।
