काठमाडौं । नेपाली राष्ट्रिय पुरुष टोलीको मुख्य प्रशिक्षकमा स्टुअर्ट ल नियुक्त भएका छन् ।
नेपाल क्रिकेट संघ (क्यान)ले स्टुअर्टलाई मुख्य प्रशिक्षकमा नियुक्त गरिएको जानकारी दियो ।
क्यानले आगामी २ वर्षका लागि स्टुअर्टलाई मुख्य प्रशिक्षक नियुक्त गरेको जनाएको छ । यसअघिका प्रशिक्षक भारतका मोन्टी देसाइको कार्यकाल सकिएपश्चात क्यानले गत फागुन ३ गते नयाँ प्रशिक्षकका लागि आवेदन खुलाएको थियो ।
जसअनुसार ७० जनाभन्दा बढीले आवेदन दिएका थिए । उनीहरुमध्ये सर्ट लिस्टमा राखेर क्यानले अन्तरवार्ता गरेको थियो ।
त्यसपश्चात स्टुअर्टलाई मुख्य प्रशिक्षक नियुक्त गरिएको हो । स्टुअर्टले यसअघि श्रीलंका, बङ्लादेश, वेस्ट इन्डिज, अफ्गानिस्तान र अमेरिकाको टिम सम्हालिसकेका छन् ।
