एजेन्सी । आईपीएल २०२५ आजबाट सुरु हुँदैछ । आईपीएलको नयाँ सिजनको पहिलो खेलमा डिफेन्डिङ च्याम्पियन कोलकाता नाइट राइडर्स (केकेआर) र रोयल च्यालेन्जर्स बेंगलुरु (आरसीबी) भिड्दैछन् । यो खेल इडन गार्डेनमा हुन लागेको छ र शाहरुख पक्कै पनि आफ्नो टिमलाई चियर गर्न जानेछन् । शाहरुख खान केकेआरका सह-मालिक हुन् ।
आईपीएल २०२४ को ट्रफी शाहरुख खानको टोली कोलकाता नाइट राइडर्सले हात पारेको थियो । शाहरुखले यो वर्ष पनि आफ्नो टिमबाट ट्रफिको आशा राखेका छन् । शाहरुखले हरेक वर्ष आईपीएलमा आफ्नो टिमबाट करोडौं रुपैयाँ कमाउँछन् ।
भारतीय सञ्चारमाध्यमको रिपोर्टका अनुसार प्रत्येक आईपीएल टोलीले टिभी प्रसारण र बीसीसीआईबाट प्रायोजनबाट हुने आम्दानीको केही हिस्सा पाउँछन् । यस बाहेक, आफ्नो टोली मार्फत, ब्रान्ड एन्डोर्समेन्ट, म्याच शुल्क, फ्रेन्चाइजी शुल्क, बीसीसीआई घटना राजस्व र पुरस्कार रकमको रूपमा धेरै कमाउँछन् । यसबाट करोडौं रुपैयाँ आम्दानी हुन्छ । शाहरुखले आईपीएलमा आफ्नो टिमबाट हरेक वर्ष २५० देखि २७० करोड रुपैयाँ कमाउँने बताईएको छ ।
यसमध्ये शाहरुख खानले पनि आफ्नो टिममा करिब १०० करोड खर्च गर्छन् । यी खर्च खेलाडी खरिददेखि लिएर टोली व्यवस्थापनसम्म हुन्छन् । जस अनुसार केकेआरले करिब १५० करोड रुपैयाँ कमाउँछ। टिममा शाहरुख खानको ५५ प्रतिशत हिस्सेदारी छ, त्यसैले उनले हरेक वर्ष ७०–८० करोड कमाउँछन् ।
केकेआरमा शाहरुख खानबाहेक जुही चावला र उनका पति जय मेहताको पनि शेयर रहेको छ । तीनैजना प्रायः म्याचको समयमा सँगै देखिने गरेक छन् ।
