काठमाडौं । गायक तथा कलाकार दुर्गेश थापाले नेपाल सुपर लिग (एनएसएल) को ओपनिङ सेरोमोनीमा गीत गाउने भएका छन् । दुर्गेशले पहिलोपटक स्टेडियम शो गर्ने भएका हुन् ।
केही नयाँ अनुभव हुने अपेक्षा रहेको बताउदै उनले भने, ‘सुपर लिगको ओपनिङमा गीत गाउने कार्यक्रम छ । स्टेजमा थुप्रै प्रस्तुति दिइयो, यो भने मेरो पहिलो स्टेडियम शो हुनेछ ।’
‘दुस्मन हेरेको हेर्यै’ गीत चर्चित भएपछि दुर्गेश अहिले मेलामहोत्सव तथा स्टेज कार्यक्रममा व्यस्त छन् ।
तेस्रो संस्करणको नेपाल सुपर लिग (एनएसएल) फुटबल चैत १६ गतेदेखि त्रिपुरेश्वरस्थित दशरथ रंगशालामा सुरु हुँदै छ । प्रतियोगितामा ७ टिमले सहभागिता जनाउनेछन् ।
