काठमाडौँ । नेकपा (एकीकृत समाजवादी)ले समाजवादी मोर्चाले गर्न लागेको वृहत् विरोधसभा हजारौँलाई उतार्ने जनाएको छ ।
सोमबार पार्टी कार्यालय आलोकनगरमा बसेको पार्टीको स्थायी कमिटी बैठकले चैत १५ गते काठमाडौँमा मोर्चाले आयोजना गरेको विरोधसभामा जनता गणतन्त्रकै पक्षमा छन् भन्ने देखाउन हजारौँलाई उतार्ने उपाध्यक्ष जगन्नाथ खतिवडाले जानकारी दिए ।
राजसंस्थाका विषयमा गरिएको कुप्रचारलाई चिर्दै जनतालाई सडकमा उतार्ने प्रयास गर्ने उनले बताए । उनले राजावादीको प्रदर्शनले दलहरू नडराएको भन्दै चैत १५ गते झल्को दिने बताए ।
यस्तै, उपाध्यक्ष खतिवडाले पूर्वराजा ज्ञानेन्द्र शाहलाई नारायणहिटीमा टिकट काटेर पस्न पाउने भन्दै राजतन्त्र नफर्किने दाबी गरे ।
