काठमाडौं । नेपाल टेलिकमको एनटीटीभीमा ‘चिसो मान्छे’ चलचित्र केवल १ रुपैयाँमा हेर्न सकिने भएको छ ।
टेलिकमले बुधबार एक फेसबुक पोस्टमार्फत दिएको जानकारी अनुसार चैत २ गते यो सुविधा उपलब्ध हुने भएको हो ।
यो चलचित्र हेर्नका लागि प्रयोगकर्ताले टेलिकमको एनटीटीभीको Movie Section मा जानुपर्छ र त्यसपछि “One Day Movie Rs. 1” विकल्पमा क्लिक गर्नु पर्नेछ । त्यसपछि, Buy Option मा क्लिक गरी आफ्नो NT मोबाइल नम्बर प्रविष्टि गर्नुपर्नेछ । यसको पछिल्लो चरणमा, १ रुपैयाँको भुक्तानी मोबाइल ब्यालेन्सबाट कटौती हुनेछ ।
एकपटक प्रक्रिया पूरा भएपछि, मोबाइल नम्बरमा ओटीपी प्राप्त हुनेछ र उक्त ओटीपी भेरिफाइ गरेपछि प्रयोगकर्ताले ‘चिसो मान्छे’ चलचित्र देख्न सक्नेछन् ।
