बुटवल । बुटवलस्थित लुम्बिनी प्रादेशिक अस्पतालको कोरोना विशेष अस्पतालमा उपचाररत एक जना कोरोना संक्रमितको मृत्यु भएको छ । कपिलवस्तु जिल्लाको तौलिहवा नगरपालिका–१ का ५० वर्षीय पुरुषको गत राति उपचारका क्रममै मृत्यु भएको कोराना विशेष अस्पतालका फोकल पर्सन डा. सुर्दशन थापाले जानकारी दिए ।
यही भदौ ५ गते संक्रमण पुष्टि भएर अस्पताल भर्ना भएका उनमा उच्च रक्तचाप, मधुमेह र रक्तअल्पताजस्ता समस्या थिए । स्वास्थ्य अवस्था जटिल बनेपछि भेन्टिलेटरमा राखिएको थियो । योसँगै कपिलवस्तुका तीन जनाको कोरोना अस्पतालमा उपचार गर्दागर्दे मृत्यु भएको छ । त्यस्तै, रुपन्देहीका २ र प्युठानका १ गरी जम्मा ६ जनाको यो अस्पतालमा मृत्यु भएको डा. थापाले बताए ।
मृतकको शव व्यवस्थापन सेना गर्ने तयारी गरेको छ ।
