
काठमाडौं । बारामा सुधार केन्द्रभित्र कुटपिट हुँदा एक युवकको मृत्यु भएको छ ।
कलैया उपमहानगरपालिका–१ भवानीपुरस्थित नव जन्म पुनर्स्थापना केन्द्रमा बिहिबार राति कुटपिट हुँदा धीरेन्द्र भनिने प्रदीपप्रसाद मण्डलको निधन भएको हो ।
कुटपिटपछि घाइते मण्डललाई उपचारका लागि प्रादेशिक अस्पताल, कलैया लानु साथै चिकित्सकले उनलाई मृत्यु घोषणा गरेको जिल्ला प्रहरी कार्यालय, बाराका एसपी सन्तोष तामाङले जानकारी दिए ।
गत १५ दिनअघि मात्रै सुधार केन्द्रमा भर्ना भएका मण्डलको अन्य व्यक्तिसँग वादविवादको क्रममा कुटपिट भएको बताइएको छ । कुटपिटमा संलग्न रहेको आरोपमा प्रहरीले ७ जनालाई पक्राउ गरेको छ ।
पक्राउ पर्नेहरूमा सरफराज मन्सुरी, निरज सरार्फ, राहुल भनिने महमद आँशु मिया, अरुण सरार्फ, प्रमेश्वर साह, तमन्ना अली र सागर गुप्ता रहेका छन् । घटनाबारे प्रहरीले थप अनुसन्धान भईरहेको छ ।