काठमाडौँ । प्रधानमन्त्री केपी शर्मा ओलीले सरकार २०८४ को चुनावपछि मात्रै परिवर्तन हुने जिकिर गर्नुभएको छ ।
प्रधानमन्त्री ओलीले संसदीय दलको बैठकलाई सम्बोधन गर्दै अस्थिरता मच्चाउन खोज्नेहरुले सरकार ढल्छ भनेर प्रचार गरेकोमा आपत्ति समेत जनाउनुभयो ।
नेकपा (माओवादी केन्द्र)का अध्यक्ष पुष्पकमल दाहाल प्रचण्डलाई लक्षित गर्दै २०८४ को चुनावपछि मात्रै सरकार परिवर्तन हुने प्रधानमन्त्री ओलीले बताउनुभयो ।
उहाँले भन्नुभयो ‘‘२०८४ को चुनावपछि सरकार परिवर्तन हुन्छ । सरकार ढल्छ भनेर मिति तोकेका तोकै छन्, यो सरकार ढल्छ तर, २०८४ को निर्वाचनपछि मात्रै । २०८४ को निर्वाचनमा के परिणाम आएपछि कसरी जान्छ भन्ने हुन्छ । सरकार मंसिरमा ढल्छ, तर मान्छेहरुले अस्ति गएको मंसिर बुझेछन् ।’
प्रधानमन्त्री ओलीले पार्टीका सांसदहरुलाई सत्यतथ्यमा आधारित भएर बहस गर्न पनि निर्देशन दिनुभयो ।
