काठमाडौँ । त्रिभुवन अन्तर्राष्ट्रिय विमानस्थलबाट १६ किलो शंकास्पद वस्तुसहित एक जना चिनियाँ नागरिक पक्राउ परेका छन् ।
सोमबार राति ड्रुक एयरलाइन्समार्फत् हङकङ जान लागेका चिनियाँ नागरिकलाई प्रहरीले पक्राउ गरेको हो ।
सुटकेशभित्र लागुऔषध जस्तो सेतो धुलो पदार्थ फेला परेको र त्यसबारे परीक्षण गरेपछि पत्ता लाग्ने प्रहरीले जनाएको छ ।
मंगलबार बिहान नै उक्त वस्तुलाई परीक्षणका लागि प्रहरीको केन्द्रीय विधि विज्ञान प्रयोगशालामा पठाइएको छ ।
ती चिनियाँ नागरिक हङकङबाट आएर पुनः त्यहीँ फर्किन लागेको पाइएको छ । यसबारे थप अनुसन्धान भइरहेको प्रहरीले जनाएको छ ।
