एजेन्सी । भारत र इंग्ल्याण्डबीचको ५ खेलको टी–२० सिरिजको पहिलो खेल आज हुँदैछ । कोलकाताको इडेन गार्डेन रंगशालामा १३ वर्षपछि दुवै टोली भिड्दैछन् ।
अन्तिम पटक यहाँ दुई टोली सन् २०११ मा भिड्दा इंग्ल्याण्ड ६ विकेटले विजयी भएको थियो । सन् २००७ को विश्वकपमा भारत र इङ्ल्यान्डबीचको पहिलो टी–२० खेल भएको थियो । सन् २००७ देखि यी दुई टोलीबीच २४ वटा टी–२० खेल भएका छन् ।
भारतले १३ र इङ्ल्यान्डले ११ खेल जितेका छन् । दुवै टोलीले भारतमा ११ खेल खेलेका छन्, यहाँ पनि भारत अगाडि छ । टोलीले ६ खेल जितेको छ भने इंग्ल्याण्डले ५ खेल जितेको छ ।
भारतीय फास्ट बलर मोहम्मद शामी यो खेलबाट फर्किने सम्भावना छ । उनले सन् २०२३ को एकदिवसीय विश्वकपको फाइनलको १४ महिनापछि अन्तर्राष्ट्रिय खेल खेल्नेछन् । उनले आफ्नो अन्तिम खेल १९ नोभेम्बर २०२३ मा अस्ट्रेलियाविरुद्ध खेलेका थिए ।
टी–२० मा भारतका सर्वाधिक स्कोरर रोहित शर्मा हुन् । उनको नाममा १५९ खेलमा ४२३१ रन छ । जहाँ दोस्रो स्थानमा रहेका विराट कोहलीले १२५ खेलमा ४१८८ रन बनाएका छन् । तर, यी दुवै खेलाडीले यो फर्म्याटबाट सन्यास लिएका छन् । तेस्रो नम्बरमा सूर्यकुमार यादव छन् । जसले ७८ खेलमा २५७० रन बनाएका छन् ।
बलिङमा युजभेन्द्र चहलले सबैभन्दा बढी ९६ विकेट लिएका छन् तर उनी यो सिरिजमा परेका छैनन् । अर्शदीप सिंह ९५ विकेट लिएर दोस्रो स्थानमा छन् । आज अर्शदीपले २ विकेट लिने बित्तिकै चहललाई पछि पार्नेछन् ।
इंग्ल्याण्डका सेतो बलका कप्तान जोस बटलर टोलीका सर्वाधिक रन बनाउने खेलाडी हुन् । उनले १२९ टी–२० खेलमा ३३८९ रन बनाएका छन् । अदिल रसिद सर्वाधिक (१२६) विकेट लिने इंग्लिस खेलाडी हुन् ।
