एजेन्सी । आक्रमणको छ दिनपछि बान्द्रा पुलिस सैफ अली खानको बयान लिनको लागि उनको घर पुगेको छ ।
मंगलबार लीलावतीबाट डिस्चार्ज भएर अभिनेता घर फर्किएका थिए । मुम्बई प्रहरीले आरोपी शरीफुललाई १९ जनवरीको राती पक्राउ गरेको थियो ।
भारतीय सञ्चारमाध्यमका अनुसार यस प्रकरणको अनुसन्धानको जिम्मा सुदर्शन गायकवाडको सट्टा अजय लिङ्नुकारलाई सुम्पिएको छ । अभिनेता सैफ अली खानमाथि भएको आक्रमणको मामिलामा मुम्बई प्रहरीले मंगलबार राति फेरि अपराधको दृश्य पुनः सिर्जना गरेको छ ।
प्रहरीले आरोपी शरीफुल इस्लामलाई सैफको घरबाट करिब ५०० मिटर टाढा लगेको थियो । करिब ५ मिनेट यहाँ रोकिएपछि प्रहरी अभियुक्तलाई लिएर प्रहरी चौकीमा फर्कियो ।
आरोपी सैफको घरमा बाथरुमको झ्यालबाट पसेका थिए र आक्रमणपछि यहीँबाट बाहिर निस्केका थिए । सैफ–करीनाका छोरा जेह उर्फ जहांगीरको कोठामा आरोपीको टोपी भेटिएको छ । टोपीमा भेटिएको कपाल डिएनए परीक्षणका लागि स्कुल अफ मेडिसिन पठाइएको छ ।
अभियुक्त भवनभित्र पसेपछि गार्ड सुतेको प्रहरीले जनाएको छ । मुख्य गेट र करिडोरमा सीसीटीभी नहुँदा आरोपीले फाइदा उठाएका थिए ।
यदि मिडिया रिपोर्टहरूको विश्वास गर्ने हो भने, सैफ अली खानले छिट्टै उनीसँगै हमलामा घाइते भएकी हाउसकीपर एरियाना फिलिपलाई भेटेर उनलाई पुरस्कार दिनेछन् । आक्रमणका क्रममा उनी चिच्याएको सुनेर सैफ छोरा जेहको कोठामा पुगेका थिए ।
