काठमाडौँ । काठमाडौँ जिल्ला अदालतमा पूर्व डीआईजी छविलाल जोशीको मुद्दामा थुनछेक बहस नसकिएपछि हेर्दाहेर्दैमा राखिएको छ ।
बहस नसकिएपछि न्यायाधीश ठाकुर प्रसाद खरेलले मुद्दा हेर्दाहेर्दैमा राखेका हुन् । यससँगै न्यायाधीशले जोशीलाई प्रहरीको जिम्मा लगाउन आदेश गरेका छन् ।
स्वर्णलक्ष्मी सहकारीको रकम अपचलन गरेको मुद्दामा उनि आइतबार काठमाडौँ जिल्ला अदालतमा उपस्थित भएका हुन् । यस सहकारीबाट जोशीको नाममा १ करोड ३० लाख ऋण निकासा भएको भेटिएको छ ।
थुनछेक बहस पुरा नभएसम्म उनलाई भद्रकाली स्थित जिल्ला प्रहरी परिसरको हिरासतमा राखिने छ ।
