काठमाडौं । चर्चित भागवत बाचक देवी प्रतिभाले नेपालको देवघाटमा नौका बिहार गरेकी छन् । नेपाल आएका बेला उनी देवघाटमा पुगेर नौका बिहार गरेकी हुन् ।
‘देवी प्रतिभा’ अर्थात् प्रतिभा पराजुली, कम उमेरमै आध्यात्म अङ्गीकार गर्दै देशविदेशका धार्मिक कार्यक्रममा प्रवचनमा प्रखर बनिरहेकी काभ्रेली चेली हुन् । छिमकी राष्ट्र भारतको आध्यात्म प्रवचनमा तेस्रो नम्बरमा चिनिएकी २३ वर्षीया प्रतिभा काभ्रेपलाञ्चोकको मण्डन–देउपुर नगरपालिका–१० ज्वानेटारमा जन्मिएकी हुन् । विशेषगरी नेपालमा कथावाचन तथा प्रवचनमा प्रसस्त पुरुषहरु भइरहँदा कम उमेरमै प्रतिभाले आफ्नो प्रभाव जमाउँदै गरेकी छन् ।
भारतको बृन्दावनमा रही प्रवचनमा स्थापित देवी प्रतिभा केही समय अघि पशुपति क्षेत्रमा सञ्चालन भएको ‘पशुपति कोटीहोम तथा १०८ श्रीमद्भागवत विश्वकल्याण मासिक ज्ञान महायज्ञ–२०८१’मा सामेल हुँदा नेपालीजनमा उनको प्रवचन र प्रचारप्रसार चुलिएको थियो ।
नौका बिहारका क्रममा खिचिएका केही तस्बिर देवी प्रतिभाले सामाजिक सञ्जालबाट सार्वजनिक गरेकी छन् ।
