काठमाडौँ । नेपालको पहिलो डिजिटल भुक्तानी सेवा प्रदायक इसेवाले १२औं वार्षिक साधारण सभा सम्पन्न गरेको छ।
आर्थिक वर्ष २०८०/८१ को साधारण सभामा सञ्चालक समितिको वार्षिक प्रतिवेदन, लेखापरीक्षकको प्रतिवेदनसहितको वित्तीय विवरण, तथा नगद लाभांश वितरणसम्बन्धी विषयमा विस्तृत छलफल गरी पारित गरिएको थियो।
सभामा इसेवाका अध्यक्ष पर्शुराम कुँवर क्षेत्री, कार्यकारी प्रमुख अधिकृत जगदीश खड्का, तथा सञ्चालक समितिका सदस्यहरूको उपस्थिति थियो।
इसेवाले मोबाइल टपअप सेवा मार्फत आफ्नो डिजिटल भुक्तानी सेवा सुरुआत गरेको थियो । हाल यसमा इन्टरनेट, बिजुली, खानेपानी महसुल, हवाई तथा बस टिकट, शैक्षिक शुल्क, ब्लुबुक नवीकरण, इन्स्योरेन्स लगायत २,०००ं सेवाहरू उपलब्ध गराइरहेको छ। साथै, इजी लोन, इ स्पिकर, र मर्चेन्ट लिङ्क जस्ता सुविधाहरू पनि संचालनमा छन्।
यस्तै, इसेवामा ४९ वटा बैंक तथा वित्तीय संस्था पनि साझेदार छन्। यसको १ करोड ३० लाखं प्रयोगकर्ता रहेका छन् भने २ लाख ८० हजारं एजेन्टहरूले सक्रिय रूपमा सेवा दिइरहेका छन्।
