काठमाडौं । नेकपा एमाले केन्द्रीय संगठन विभागका सचिव माधव ढुङ्गेलले अहिले एमाले माथि साइबर आक्रमण सुरु भएको बताउनुभएको छ ।
नेकपा एमाले सिन्धुलीको जनसंगठन संयन्त्रद्वारा आयोजित कार्यक्रमलाई सोमबार सम्बोधन गर्दै ढुङ्गेलले पार्टीमाथि भइरहेको साइबर हमलाको पार्टी कार्यकर्ताले प्रतिकार गर्नुपर्ने बताउनुभयो ।
उहाँले पार्टीमाथिको साइबर हमला विरुद्ध पार्टीका सबै नेता कार्यकर्ताहरू सक्रिय हुन आग्रह गर्नु भयो ।
ढुङ्गेलले पार्टी निर्माणका लागि टोल टोलमा पुग्न आवश्यक रहेको पनि बताउनुभयो । पार्टीको भविष्यका लागि नयाँ पुस्तालाई जोड्न र त्यसका लागि दर्शनशास्त्र बुझाउन आवश्यक रहेको ढुङ्गेलको धारणा छ । उहाँले नयाँ पुस्तालाई मार्क्सवाद सिकाउन जरुरी रहेको बताउनुभयो ।
नेकपा एमालेका केन्द्रीय सदस्य कमलजङ्ग राईको उपस्थितिमा भएको कार्यक्रम जनसंगठन संयन्त्र प्रमुख एवं जिल्ला अध्यक्ष महेन्द्रदेव श्रेष्ठको अध्यक्षतामा भएको थियो ।
