काठमाडौं । माघ महिनाका लागि वाणिज्य बैंकहरूले निक्षेपको ब्याजदर सार्वजनिक गरेका छन् ।
माघ १ गतेदेखि लागू हुनेगरि सार्वजनिक गरिएको नयाँ ब्याजदर अनुसार अधिकांश वाणिज्य बैंकहरुले पुष महिनाको ब्याजदरलाई निरन्तरता दिएका छन् ।
माघमा २० वाणिज्य बैंकमध्ये १७ बैंकले पुषकै ब्याजदरलाई निरन्तरता दिएका छन् । यस्तै, दुई वटा वाणिज्य बैंकले व्यक्तिगत मुद्दती निक्षेपको ब्याजदर घटाएका छन् भने एक बैंकले बढाएको छ ।
लक्ष्मी सनराइज बैंकले मात्र ब्याजदर बढाएको छ । यस बैंकले माघ महिनाका लागि व्यक्तिगतमा ५.७५ तोकेको छ । पुष महिनामा यस बैंकको निक्षेप ब्याजदर ५.५ थियो ।
यस्तै, कृषि विकास बैंक र नेपाल एसबिआइ बैंकले व्यक्तिगत मुद्दती निक्षेपको ब्याजदर घटाएका छन् । कृषि विकास बैंकले माघ महिनाका लागि व्यक्तिगतमा ५.५१ र एसबिआइ बैंकले ५.५ तोकेको छ ।
माघमा सिटिजन्स, ग्लोबल आइएमई, नबिल, कुमारी, माछापुच्छ्रे बैंकले पुसकै ब्याजदरलाई निरन्तरता दिएका छन् । त्यसैगरी सिद्धार्थ, एभरेष्ट, राष्ट्रिय वाणिज्य बैंक, सानिमा, प्रभु, प्राइम कमर्सियल, स्ट्यान्डर्ड चार्टर्ड, हिमालयन, नेपाल इन्भेष्टमेन्ट मेगा, एनएमबि र एनआइसी एशिया बैंकले पनि पुसकै ब्याजदरलाई निरन्तरता दिएका छन् ।
