काठमाडौं । जय ट्रफी एलिट कपअन्तर्गतको चौथो खेलमा त्रिभुवन आर्मी क्लबले बागमती प्रदेशलाई जितको लागि २०४ रनको लक्ष्य दिएको छ ।
७६ रनको अग्रतासहित दोस्रो इनिङ सुरू गरेको आर्मीले दोस्रो दिनको टी ब्रेकसम्म २०३ रन बनायो । ८ विकेट गुमाएर १ सय २७ रन बनाएको अवस्थामा आर्मीले दोस्रो पारी समाप्तिको घोषणा गर्यो । आर्मीका तीर्थराज दासले २८, कप्तान विनोद भण्डारीले २७ रन बनाए ।
बाग्मतीका नन्दन यादवले ४, प्रतिस जिसीले ३ विकेट लिए ।
यसअघि जनकपुरमा टस हारेर ब्याटिङको निम्तो पाएको आर्मीले पहिलो पारीमा २ सय ७६ रन बनाएको थियो । यस्तै बाग्मतीले ९ विकेट गुमाएर २ सय रन बनाएको थियो ।
अहिलो बाग्मतीले दोस्रो पारीको ब्याटिङ शुरू गरेको छ ।
पहिलो खेलमा आर्मीले पुलिससँग ड्र खेलेको थियो भने बागमतीले मधेशसँग ड्र खेलेको थियो ।
