एजेन्सी । साउथकी लेडी सुपरस्टार नयनतारा लामो समयदेखि आफ्नो डकुमेन्ट्री ‘बियन्ड द फेयराइटल’का कारण विवादमा तानिएकी छिन् । यो फिल्म नेटफ्लिक्समा रिलिज भएपछि अभिनेत्री कानुनी समस्यामा फसेकी छिन् ।
केही समयअघि अभिनेता धनुषले अभिनेत्रीविरुद्ध कानुनी कारबाही गरेका थिए, अहिले चलचित्र ‘चन्द्रमुखी’का निर्माताले नयनतारालाई कानुनी नोटिस पठाएका छन् ।
रिपोर्टका अनुसार फिल्म चन्द्रमुखीका निर्माताले नयनथारा र नेटफ्लिक्स दुवैलाई कानूनी नोटिस पठाएका छन् । नयनताराले सन् २००५ मा रिलिज भएको चलचित्र चन्द्रमुखीको फुटेज आफ्नो विवाहको वृत्तचित्रमा बिना अनुमति प्रयोग गरेको आरोप लागेको छ ।
चन्द्रमुखीका निर्माताले नेटफ्लिक्स र अभिनेत्रीसँग ५ करोड रुपैयाँ क्षतिपूर्ति मागेका छन् । हाल यस विषयमा नयनताराको तर्फबाट कुनै प्रतिक्रिया आएको छैन ।
