दक्षिण अफ्रिकाको केपटाउनमा सम्पन्न दोस्रो टेस्ट क्रिकेटमा दक्षिण अफ्रिका १० विकेटले विजयी भएको छ ।
खेलको चौथो दिन पाकिस्तानले प्रस्तुत गरेको ५८ रनको लक्ष दक्षिण अफ्रिकाले बिना कुनै विकेट गुमाएर पूरा गरेको थियो ।
यसअघि टस जितेर अफ्रिकाले पहिलो इनिङमा रायन रिकेल्टनको २५९, टेम्बा बाभुमाको १०६ र काइल भेरिनको १०० रनको मद्दतले ६१५ रनको विशाल स्कोर खडा गरेको थियो ।
जवाफमा पाकिस्तानको पहिलो इनिङ १९४ रनमा समेटिएको थियो । पाकिस्तानका लागि बाबर आजमले सर्वाधिक ५८ रन बनाएका थिए । फलो अनमा परेको पाकिस्तानलाई दक्षिण अफ्रिकाले दोस्रो इनिङ ब्याटिङ गर्न निम्त्याएको थियो ।
दोस्रो इनिङमा भने पाकिस्तानले सम्हालिएको प्रदर्शन गरेको थियो । तेज बलिङ र स्पिनरले भरिएको अफ्रिकी टिमका बलरको आक्रमणमा संघर्ष गर्दै पाकिस्तानले सबै विकेट गुमाएर ४७८ रन बनाएको थियो । पाकिस्तानका लागि शान मसूदले सर्वाधिक १४५ रनको पारि खेलेका थिए ।
खेल संक्षेप
दक्षिण अफ्रिका – पहिलो इनिङ ६१५ रन (अल आउट), दोस्रो इनिङ: ६१ रन (नट आउट)
पाकिस्तान – पहिलो इनिङ: १९४ रन, दोस्रो इनिङ: ४७८ रन (अल आउट)
नतिजा: दक्षिण अफ्रिका १० विकेटले विजयी
यसअघि सेन्चुरियनमा सम्पन्न पहिलो टेस्टमा पनि अफ्रिकाले पाकिस्तानलाइ २ विकेटले पराजित गरेको थियो ।
