काठमाडौं । नेपालमा दुर्घटनाको तथ्यांक डरलाग्दो देखिएको छ । मंसिर महिनामा मात्र २९६८ वटा सवारी साधनमा दुर्घटनामा परेका छन् । २०१४ वटा दुर्घटनामा ती सवारी साधनमा क्षति भएको हो ।
ट्राफिक प्रहरीको तथ्यांक अनुसार सबैभन्दा धेरै मोटरसाइकल दुर्घटनामा परेका छन् । कुल दुर्घटनामध्ये १८ सय २ अर्थात ६० दशमलव ७१ प्रतिशत मोटरसाइकल छन् । त्यसैगरी ४०० वटा कार, जीप र माइक्रो दुर्घटनामा परेका छन् ।
सबैभन्दा धेरै दुर्घटना साँझ र रातिको समयमा हुने अध्ययनले देखाएको छ ।
ट्राफिक प्रहरीले संकलन गरेको तथ्यांकअनुसार सबैभन्दा धेरै दुर्घटना तीव्र गतिका कारण भएको देखिएको छ । तीव्र गतिका कारण १०४५ वटा दुर्घटना भएको छ ।
त्यसैगरी मादक पदार्थ सेवा गरी सवारी चलाउँदा १ सय ३८ वटा दुर्घटना भएका देखिन्छ । तयस्तै ट्राफिक नियम उल्लंघन गर्दा १२०, ओभरटेक गर्दा ७८ र यान्त्रिक गडबडीका कारण १८ वटा दुर्घटना भएका छन् ।
दुर्घटनाबाट मंसिरमा २ सय ५२ जनाको मृत्यु भएको छ । त्यस्तै ५५६ जना गम्भीर घाइते हुँदा २६३४ जना सामान्य घाइते भएको ट्राफिक प्रहरीले जनाएको छ ।
मंसिरभर १ लाख २६ हजार ४०८ वटा सवारी साधन कारबाहीमा पर्दा १० करोड १२ लाख ९ हजार १ सय ५६ रुपैयाँ राज्य संकलन भएको छ ।
