एजेन्सी । पृथ्वीमा ७० प्रतिशत पानी छ । यसमा समुद्रदेखि बरफका चट्टानहरू र नदीहरू सम्मका सबै कुराहरू समावेश छन् ।
सायद सबैलाई थाहा छ कि संसारमा जम्मा पाँचवटा महासागरहरू छन्, जुन अथाह छन् अर्थात् तिनीहरूको कुनै सीमा छैन ।
महासागरको शुरुवात र अन्त्यको जानकारी प्राप्त गर्नु निकै कठिन कार्य हो । महासागरको गहिराइमा लुकेका धेरै रहस्यहरू छन् ।
हिन्द महासागर र प्रशान्त महासागर अलास्काको खाडीमा भेटिन्छन्, तर हामी भन्न सक्छौं कि यी दुई महासागरहरू एकसाथ मिल्दैनन् । किनभने तिनीहरूको पानी कहिल्यै एकअर्कासँग मिसिँदैन । हिन्द महासागरको पानी र प्रशान्त महासागरको पानी अलग रहन्छ ।
तस्बिरमा दुई महासागरको पानी फरक–फरक रहेको स्पष्ट देखिन्छ । एउटा नीलो र अर्को हल्का हरियो देखिन्छ । कतिपयले यो रहस्यलाई धार्मिक विश्वाससँग जोड्छन् भने कतिपयले यसलाई भगवानको चमत्कार मान्छन् ।
यी दुई महासागरको पानी किन एकअर्कासँग मिसिदैन भन्ने कुरा बुझौं । वैज्ञानिकहरूका अनुसार दुई महासागर नमिल्नुको कारण नुन र ताजा पानीको भिन्न घनत्व, तापक्रम र लवणता हो ।
दुई महासागर मिल्ने ठाउँमा फोमको पर्खाल बनेको विश्वास गरिन्छ । फरक घनत्वका कारण दुवै एकअर्कालाई भेट्छन् तर पानी भने मिसिँदैन ।
दुई महासागरको मिलन नहुनुको अर्को कारण पनि दिइएको छ । विभिन्न घनत्वको पानीमा सूर्यको किरण पर्दा त्यसको रंग परिवर्तन हुने विश्वास गरिन्छ । यसबाट दुवै महासागर मिलेको देखिन्छ तर तिनीहरूको पानी एक अर्कामा मिसिएको हुँदैन ।
