काठमाडौं। आयोजक भ्याली पब्लिक हाई स्कुलका तीनै टोलीले १९औं भ्याली पब्लिक अन्तरविद्यालय बास्केटबल प्रतियोगितामा सुखद सुरुआत गरेका छन् ।
बुढानीलकण्ठ नगरपालिका–८ स्थित भंगालमा शुक्रबारदेखि सुरु प्रतियोगितामा भ्याली पब्लिकको सिनियर गल्र्समा दुई तथा जुनियर र सिनियर ब्वाइजको तीनै टोलीले जित निकालेका हुन् । सिनियर गल्र्समा भने भ्याली पब्लिक ‘ए’ र ‘बी’ दुवैले सुखद सुरुआत गरे । गल्र्समा समूह ‘ए’ मा रहेको आयोजक ‘ए’ ले टिआएलाई ३२–२५ ले हरायो ।
आयोजक भ्याली पब्लिका लागि लोरिसा गौचनले सर्वाधिक ११ स्कोर गरिन् । समूह ‘एच’ मा रहेको भ्याली पब्लिक ‘बी’ ले पनि जित आत्मसात् ग¥यो । आयोजक ‘बी’ ले इडन ब्रिज एकेडेमीलाई २२–१७ स्कोरले हरायो । आयोजक ‘बी’ की सानीमाया तामाङले सर्वाधिक १० अंक जोडिन् । सिनियर र जुनियर ब्वाइज दुवैमा भ्याली पब्लिकले भद्रकालीलाई हराएको हो ।
सिनियर ब्वाइजमा भ्याली पब्लिक ‘ए’ ले भद्रकालीलाई ४७–३२ ले पराजित गर्यो। आयोजकका अशोकले विकले २६ सर्वाधिक स्कोर दिलाए । समूह ‘ए’ मा आयोजकको ‘ए’ टोली र भद्रकालीसहित बेलमन्ट र ग्रिनल्यान्ड छन् । जुनियर ब्वाइजमो भ्याली पब्लिकले भद्रकालीलाई १४–९ स्कोरले हरायो । आयोजकका लागि पूर्णराज तामाङ एक्लैले ९ स्कोर गरे ।
यस समूह ‘एफ’ मा यी दुई टोलीसँगै एन्जल हार्ट र राजन मेमोरियल छन् । यसै विधामा इडन ब्रिजले सेन्ट जोशेफलाई २१–१५ र बिएनएले बिएमसिएलाई ३१–२४, क्यानभासले किङ्डमलाई १८–१४ ले हराए । सिनियर ब्वाइजमा हेराल्डले भ्याली ‘बी’ लाई १९–१४, रेडियन्टले सेन्ट जोसेफलाई २०–१६ र जिनियस वल्र्डले क्यानभासलाई २७–२२ ले हराए ।
सिनियर गल्र्सतर्पm हिमशीलाले क्यानभासलाई १८–१४, फेरिल्यान्डले नेक्ससलाई १४–९ र त्रिज्योतिले एन्जल्स एनएचएसलाई १८–१३ स्कोरले हराउँदै विजयी सुरुआत गरेका छन् । त्यसअघि प्रतियोगिताको भ्याली पब्लिक हाई स्कुल व्यवस्थापन समितिका अध्यक्ष मेजर लिलबहादुर गुरूङले खेलका रेफ्री दीपेशलाई बल हस्तान्तरण गर्दै उद्घाटन गरेका थिए ।
सो अवसरमा पब्लिक हाई स्कुलको व्यवस्थापन समितिकी सदस्य बबिता सेरचन गौचन, विद्यालयका प्रशासन प्रमुख महेश अधिकारी र खेलकुद इन्चार्ज पूर्ण न्यौपानेलगायत उपस्थित थिए । प्रतियोगिता आगामी मंसिर २९ गतेसम्म हुनेछ ।
सिनियर ब्वाइजमा २९ तथा सिनियर गल्र्स र जुनियर ब्वाइजमा समान २७ टोलीले प्रतिस्पर्धा गर्दैछन् । तीनै विधामा शीर्ष तीन स्थान प्राप्त गर्ने टोलीले क्रमशः २० हजार, १० हजार र पाँच हजार रुपैयाँ र ट्रफी पनि पाउनेछन् । प्रतियोगिताको मस्ट भ्यालुएबल प्लेअर, बेस्ट थ्री पोइन्टर र सर्वाधिक स्कोरकर्ताले शिल्ड र प्रमाणपत्र प्राप्त गर्नेछ ।
सिनियर ब्वाइज र सिनियर गल्र्समा क्रमश ः ग्रिनल्यान्ड र भ्याली पब्लिक डिफेन्डिङ च्याम्पियन हुन् । जुनियर ब्वाइजको उपाधि भने त्रिज्योतिले जितेको थियो । यो प्रतियोगिता २०६१ सालमा पहिलोपल्ट न्यौपानेकै पहलमा सुरु भएको थियो । त्यसयता कोरोना महामारीका समयमा बाहेक नियमित रूपमा उक्त प्रतियोगिता हुँदै आएको छ ।
