काठमाडौं । नेकपा एमालेबाट निष्कासनमा परेका डा भीम रावलले बुधबार दिउँसो १ बजे पत्रकार सम्मेलन गर्ने लागेका छन् । आगामी कार्य योजनाबारे जानकारी दिन रावलले पत्रकार सम्मेलन गर्न लागेका हुन् ।
काठमाडौंको कार्की बैन्क्वेटमा हुन लागेको पत्रकार सम्मेलनमा उनले आफ्ना कुरा राख्ने र भावी कार्य योजनाका बारे जानकारी दिने बताईएको छ । साथै, उनले नयाँ पार्टी घोषणा गर्ने रावलको निकट स्रोतले बतायो ।
एमालेको कारबाहीपछि रावलले नयाँ पार्टी खोल्नेबारे आन्तरिक छलफल गरिरहेका छन् । सोमबार बिहान मात्रै उनले नेपाली कांग्रेसका उपसभापति कर्ण मल्ल र सुदूरपश्चिम प्रदेश सभाका स्वतन्त्र सांसद डा तारा जोशीसँग भेटवार्ता गरेका थिए ।
एमालेको बुधवार बसेको सचिवालय बैठकले रावललाई पार्टी सदस्यता समेत नरहने गरी निष्कासन गरेको थियो ।
