काठमाडौं । काठमाडौं आउदै गरेको जिप दुर्घटना हुँदा दुई जनाको मृत्यु भएको छ भने अन्य ६ जना घाइते भएका छन् ।
हेटौंडाबाट काठमाडौं आउदै गरेको ना १ ज ४१०६ नम्बरको जिप आइतबार मकवानपुरको भीमफेदीमा दुर्घटना हुँदा घटनास्थलमै दुई जनाको मृत्यु भएको हो । प्रहरीका अनुसार मृतक दुवै जना पुरुष भएपनि नाम भने पहिचान हुन सकेको छैन ।
प्रहरी नायब उपरीक्षक इन्द्रबहादुर रानाका अनुसार जिप भीमफेदी गाउँपालिका-६ स्थित उकालोमा टर्निङ नपुगेर व्याक गर्ने क्रममा सडकबाट करिब एक सय मिटर तल खसेको हो ।
घाइते छ जनाको स्वास्थ्य चौकी भीमफेदीमा उपचार भैरहेको प्रहरीले जनाएको छ ।
