२७ फाल्गुन २०८१, मंगलवार
,
तपाईं के खोज्दै हुनुहुन्छ ?

मनाङमा ४.७ म्याग्नेच्युडको भूकम्प, ङिस्याङ केन्द्रबिन्दू



अ+ अ-

काठमाडौं । मनाङमा आज बिहान भूकम्प गएको छ ।

बिहान ७ बजेर ३७ मिनेटमा मनाङको ङिस्याङ केन्द्रबिन्दु बनाएर ४ दशमलव ७ म्याग्नेच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।

ङिस्याङ गाउँपालिकाका उपाध्यक्ष छिरिङ गुरूङले भूकम्प गएको तर त्यसले क्षति पुगेको भन्ने सूचना अहिलेसम्म पालिकाका कतैबाट नआएको बताउनुभएको छ ।

यसअघि बुधबार बझाङ केन्द्रबिन्दु भएर ४.१ म्याग्नेच्युडको भूकम्प गएको थियो । बझाङलाई नै केन्द्रबिन्दु बनाएर मंगलबार पनि दुई पटक भूकम्प गएको थियो ।