एजेन्सी । भारतीय फास्ट बलर मोहम्मद सिराज र अष्ट्रेलियाका ब्याट्सम्यान ट्राभिस हेडलाई आईसीसी क्रिकेट आचार संहिता उल्लङ्घन गरेको आरोपमा दोषी ठहर गरिएको छ ।
रिपोर्टका अनुसार सिराज र हेडलाई आईसीसीले सजाय दिने तयारी गरेको छ । प्रतिवेदनले मोहम्मद सिराज र ट्राभिस हेडलाई जरिवाना र कडा कारबाही गर्न सक्ने तर उनीहरूलाई प्रतिबन्ध नलाग्ने बताएको छ ।
खेलको दोस्रो दिन सिराज र हेडबीच झगडा भएको थियो
अष्ट्रेलियाले ८२ औं ओभरमा ७ औं विकेट गुमाएको थियो । यहाँ ट्राभिस हेड १४० रन बनाएर आउट भए । उनले सिराजको ओभरको तेस्रो बलमा छक्का प्रहार गरेपछि अर्को बलमा सिराजले उनलाई बोल्ड गरे ।
यसपछि हेडले केही भनेपछि सिराजले पनि केही बोलेर बाहिर जाने संकेत गरे । त्यसपछि हेडले सिराजलाई केही भने । ओभर सकिएपछि सिराजले अष्ट्रेलियाली दर्शकको भीडको सामना गर्नु परेको थियो ।
पत्रकार सम्मेलनमा हेडले झुट बोले – सिराज
तेस्रो दिनको खेल सुरु हुनुअघि सिराजले स्टार स्पोर्ट्स हिन्दीसँग भने, ‘मैले उनलाई (ट्राभिस हेड) बल दिँदा मैले मात्र उत्सव मनाएँ र उनले मलाई गाली गरे, त्यो तपाईंले टिभीमा पनि हेर्नुभयो । मैले सुरुमा मात्र उत्सव मनाएँ, मैले उनलाई केही भनिनँ ।’
मैले सिराजलाई राम्रो बोल्ड भनेको थिएँ – हेड
दोस्रो दिनको खेल सकिएलगत्तै पत्रकार सम्मेलनमा हेडले भने, ‘मैले सिराजलाई राम्रो बोल्ड गरेको भनेको थिएँ तर उनले अनावश्यक आक्रोश देखाए ।’
