एजेन्सी । डिसेम्बर ५ मा रिलिज भएको फिल्म ‘पुष्पा २ः द रुल’ले लगातार बक्स अफिसमा ठूला रेकर्ड तोडिरहेको छ ।
यसको अघिल्लो फिल्म पुष्पाः द राइजले विश्वभर ३७३ करोडको कलेक्सन गरेको थियो भने यसको सिक्वेल फिल्म ‘पुष्पा २’ ले तीन दिनमा सबैभन्दा धेरै कमाउने तेलुगु फिल्मको सूचीमा छैठौं स्थानमा पुगेको छ ।
यो फिल्म तेलुगु र हिन्दी सिनेमाको सबैभन्दा धेरै कमाउने फिल्म बन्न सक्ने अनुमान गरिएको छ । तर, थोरैलाई थाहा छ कि अल्लु अर्जुनभन्दा अगाडि पुष्पाको भूमिका निर्वाह गर्नका लागि महेश बाबु निर्माताको पहिलो रोजाइ थिए ।
उनले यो फिल्म साइन पनि गरेका थिए तर पछि उनले अस्वीकार गरेका थिए । योसँगै आर माधवन र विक्रम जस्ता कलाकार पनि फिल्मको हिस्सा बन्न सक्थे ।
चलचित्र पुष्पा निर्देशक सुकुमारले लेखेका हुन् । सन् २०१४ मा सुकुमारले निर्देशन गरेको फिल्म ‘१ः नेनाक्कडिन’मा महेश बाबुले मुख्य भूमिका निभाएका थिए । जब सुकुमारले पुष्पा फिल्मको स्क्रिप्ट पूरा गरे, पहिलो रोजाईमा महेश बाबु थिए । महेश बाबुलाई फिल्मको स्क्रिप्ट निकै मन पर्यो र उनी यसमा सहमत भए ।
सन् २०१८ मा महेश बाबु फिल्म महर्षि (२०१९)को सुटिङमा थिए, त्यसपछि उनी पुष्पाको सुटिङ सुरु गर्न लागेका थिए । २०१८ मा मिथरी मूभी मेकर्सले निर्देशक सुकुमार र महेश बाबुलाई लिएर एक फिल्म घोषणा गरे । यो फिल्मको छायांकन जनवरी २०१९ बाट सुरु हुने भनिएको थियो, तर त्यसअघि महेश बाबुले रचनात्मक भिन्नताको कारण सुकुमारका दुवै फिल्म छोडेर ‘सरिलेरु नीकेवारु’लाई साइन गरे ।
महेश बाबुले फिल्म छोडेपछि सुकुमारले अल्लु अर्जुनलाई फिल्म अफर गरेका थिए । यसअघि अल्लु अर्जुनले सुकुमारको फिल्म आर्य २ मा काम गरेका थिए ।
‘पुष्पा’मा मलयालम अभिनेता फहद फाजिलले नकारात्मक भूमिका निभाएका छन् । तर, यो भूमिका सबैभन्दा पहिले अभिनेता जिशु सेनगुप्तालाई दिइएको थियो । उनले फिल्म साइन पनि गरेका थिए तर कोभिड १९ का कारण उनले फिल्म अस्वीकार गरेका थिए ।
जसु सेनगुप्ता पछि विजय सेतुपतिलाई फिल्ममा फाइनल गरिएको थियो । जनवरी २०२० मा यसको घोषणा पनि गरिएको थियो, तर जुलाई २०२० मा, विजय सेतुपतिले आफ्नो व्यस्त कार्यक्रमका कारण फिल्म छोडे ।
यसपछि विक्रम, बबी सिम्हा, आर. माधवन र आर्य जस्ता कलाकारहरूको नाम पनि विचार गरियो, तर अन्ततः फहद फाजिललाई फिल्मको लागि फाइनल गरियो ।
