काठमाडौँ । दशौँ राष्ट्रिय खेलकुदको मिति तय गर्न शुक्रबार दिउसो खेलकुद मन्त्रालयमा राष्ट्रिय खेलकुद परिषद् (राखेप)को ११८औँ बोर्ड बैठक बैठक बस्यो ।
राखेप का अध्यक्ष एवं युवा तथा खेलकुदमन्त्री तेजुलाल चौधरीको अध्यक्षतामा बसेको बैठकमा आगामी चैत २३ देखि ३० गतेसम्म कर्णाली प्रदेशमा दशौँ राष्ट्रिय खेलकुद हुने जानकारी गराईयो । तर बैठकमा उपस्थित सदस्यहरुले निर्णय पुस्तिका हस्ताक्षर गर्न नै पाएनन् ।
बैठकमा सहभागी एक सदस्यका अनुसार मन्त्रीको सचिवालयले निर्णय पुस्तिकामा परिषद्का सदस्यहरुलाई हस्ताक्षर नै गराएन ।
बैठकमा सहभागी कर्णाली प्रदेश खेलकुद विकास परिषदका विश्वामित्र सन्जेलले सामाजिक संञ्जालमा लेख्नुभएको छ ।
खेलकुदको विडम्बना…
दशौं राष्ट्रिय खेलकुदको मिति तय गर्नका लागि बसेको ११८औं बैठकको निर्णय पुस्तिकाको उपस्थितिमा हस्ताक्षर गराउन नेपाल सरकारका माननीय युवा तथा खेलकुद मन्त्री ज्यूले बिरालोको चल्ला लुकाई गर्नुभयो।
बैठक लाईभ भएको भए थाहा हुन्थ्यो।
थप स्पष्ट: मन्त्रीज्यूको अध्यक्षतामा बैठक चलिरहेको बेला सम्म निर्णय पुस्तिकामा कसैलाई उपस्थितीमा हस्ताक्षर गराइएन, निर्णय लिपिबद्ध भैसकेको पनि थिएन, छलफल मात्र टुंगिएको थियोे । निर्णय माइनटमा लेखिसकेपछि मात्र सबैले उपस्थिती र समापन हस्ताक्षर गर्ने भन्दै बैठक समापन भयो । यसरी समापन भएको आधाघण्टा पछि मन्त्रीज्यूको कार्यकक्षमा सिमित ब्यक्ति लाई बोलावट भयो, माईनट बोकेर त्रिपुरेश्वर पुगिसकेको कर्मचारी लाई बोलावट भयो कार्यालय पुगेका सुरक्षा निकायका प्रतिनिधिलाई पनि बोलावट भयो त्यो था पाएर म पनि गए कार्यकक्षमा फोटोमा देखिएका हामी सबैले उपस्थितीमा हस्ताक्षर गरौँ ।
बैठक चलिरहदा बैठक कक्षमा हस्ताक्षर नगराएर समापन पछि कार्यकक्षमा लुकाई छिपाइ जस्तो गरि हस्ताक्षर गराउनु पर्ने बाध्यता के आइ पर्याे होला ?बिरालो ले चल्ला लुकाए जस्तो भनेको हो । मन्त्री ज्युको सचिवालयको आग्रहमा थप स्पस्ट पारेको छु ।
यसअघि राखेपले दशौँ राष्ट्रिय खेलकुद गत मङ्सिर २ देखि ९ गतेसम्म कर्णाली प्रदेशमै गर्ने गरी प्रस्ताव गर्ने निर्णय गरिएको थियो । गण्डकी प्रदेशमा भएको नवौँ राष्ट्रिय खेलकुदको समापनका दिन २०७९ साल कात्तिक २ गते बसेको राखेपको ११५औँ बोर्ड बैठकले उक्त मितिमा दशौँ राष्ट्रिय खेलकुद कर्णालीमा गर्ने गरी प्रस्ताव गर्ने निर्णय गरेको छ ।
