काठमाडौं । नेपाल खुला विश्वविद्यालयका उपकुलपति प्रा.डा. शीलु मानन्धर बज्राचार्यले डा. खगेन्द्र प्रसाईंलाई डीनबाट पदमुक्त गरिएको विषयमा केही सञ्चारमाध्यमबाट भ्रामक सूचना प्रवाह भएको भन्दै ध्यानाकर्षण भएको बताउनुभएको छ ।
उपकुलपति बज्राचार्य विश्वविद्यालयको प्रमुखको हैसियतले आफूले स्पष्टीकरण सोधेकोमा डा. प्रसाईले तथ्यपरक आधारमा प्रमाणका साथ स्पष्टीकरण जवाफ प्रस्तुत् गर्न नसकेपछि विभागीय कारबाहीअन्तर्गत डीनबाट निलम्बिन गरी पदमुक्त गरिएको समेत स्पष्ट पार्नुभएको छ ।
आफूले गरेको कारबाहीविरुद्ध प्रसाईंले उच्च अदालतमा रिट दिएको तर अदालतले अन्तरिम आदेश जारी नगरेपछि अहिले मन्त्रीसँग धाउन थालेको भन्दै उहाँले असन्तुष्टिसमेत जनाउनुभएको छ । उहाँले यथार्थ विषयवस्तु बुझेर मात्र समाचार सम्प्रेषण गर्न आग्रह गर्नुभएको छ ।
