काठमाडौं । सरकारले आफ्नो भूमिसमेत दाबी गर्न नसकेको नेपाली कांग्रेसका नेता प्रकाशमान सिंहले बताएका छन् । आज शनिबार नागार्जुन नगरपालिकाले सिउचाटारमा निर्माण गरेको ओपन फिटनेस पार्कको उदघाटन गर्दै उनले, ‘आफ्नो राष्ट्रको भूभाग संरक्षण गर्दै सरकारले सुरक्षा दिन सक्ने कि नसक्ने जस्तो भान जनतालाई भइरहेको छ । यो दुर्भाग्य हो ’ भने । साथै नेता सिंहले सरकारको परराष्ट्र नीति पनि असन्तुलित देखिएको जिकिर गरेका हुन् ।
परराष्ट्र मन्त्रीसमेत रहेका सरकारका प्रवक्ता प्रदीप ज्ञवालीले हुम्लामा चीनले नेपाली भूमि अतिक्रमण गरेकोबारे बुझ्न गएको सरकारी टोली त्याहाँ नपुग्दै भूमि मिचिएकै छैन भनेर अपरिपक्व अभिव्यक्ति दिएको पनि बताए ।
अहिले ठूला ठूला भ्रष्टाचार काण्ड भएको भन्दै उनले त्यसको निष्पक्ष छानबिनको माग गरे । जतिसुकै ठूलो नेता भएपनि भ्रष्टाचारमा संलग्न भए उन्मुक्ति दिन नहुने उनले बताए ।
