एजेन्सी । अस्ट्रेलियाविरुद्धको पर्थ टेस्टको पहिलो दिन भारत बलियो स्थितिमा पुगेको छ । टोली ८३ रनले अगाडि छ र अष्ट्रेलियाको ३ विकेट मात्र बाँकी छ ।
ओप्टस स्टेडियममा भारतले टस जितेर ब्याटिङ रोजेको थियो । कुनै पनि ब्याट्सम्यानले पचास रन बनाउन सकेन र टोली १५० रनमा अलआउट भयो । जोस हेजलवुडले ४ विकेट लिए ।
बलिङमा भारतले पुनरागमन गर्दा अस्ट्रेलियाले ५९ रनमा ७ विकेट गुमाएको थियो । दिनको खेल सकिँदासम्म टोलीले ६७ रन बनाएको छ भने एलेक्स केरीले १९ र मिचेल स्टार्कले ६ रन बनाएर नटआउट फर्किएका थिए । भारतका लागि जसप्रित बुमराहले ४ र मोहम्मद सिराजले २ विकेट लिए ।
भारतीय टोलीको सुरुवात खराब रह्यो । टोलीले ७३ रन बनाएर ६ विकेट गुमाएको थियो । यशस्वी जैसवाल र देवदत्त पडिक्कलले खाता खोल्न सकेनन् । विराट कोहली ५ रन, ध्रुव जुरेल ११ रन र वासिङ्टन सुन्दर ४ रन बनाएर आउट भए ।
डेब्यु खेलेका नितिश रेड्डीले ४१ रन (५९ बल) र विकेटकिपर ब्याट्सम्यान ऋषभ पन्तले ७८ बलमा ३७ रन बनाए । यी दुईबीच सातौं विकेटका लागि ४८ रनको साझेदारी भयो ।
केएल राहुलले ७४ बलमा २६ रनको योगदान दिए । अष्ट्रेलियाका जोस हेजलउडले ४ विकेट लिए । प्याट कमिन्स, मिचेल मार्स र मिचेल स्टार्कले २–२ विकेट लिए ।
अष्ट्रेलियाका लागि पहिलो दिनको पहिलो इनिङ्समा ट्राभिस हेडले ११, नाथन म्याकस्विनीले १०, उस्मान ख्वाजाले ८, मिचेल मार्सले ६, प्याट कमिन्सले ३ र मार्नस लाबुसचेनले २ रन बनाएका थिए । स्टिभ स्मिथले खाता खोल्न सकेनन् । भारतबाट हालसम्म जसप्रित बुमराहले ४ विकेट र मोहम्मद सिराजले २ विकेट लिएका छन् । हर्षित राणाले १ विकेट लिए ।
