काठमाडौँ । रसुवाको कालिकाबाट २ किलो सुनसहित एक युवक पक्राउ परेका छन् ।
गोसाईंकुण्ड गाउँपालिका–३ घर भएका ३४ वर्षीय कर्मा सोनाम लामा २ किलो सुन जस्तो देखिने पहेँलो धातुसहित पक्राउ परेका रसुवाका डीएसपी केशव भट्टराईले जानकारी दिए ।
बागमती प्रदेश–०२–०४३ प २४३४ नम्बरको मोटरसाइकलमा सवार उनलाई कालिकास्थानतर्फ जाँदै गरेको अवस्थामा कालिका गाउँपालिका–१ स्थित अस्थायी प्रहरी पोस्ट ग्राङबाट खटिएको टोलीले पक्राउ गरेको हो ।
उनलाई भन्सार कार्यालय टिमुरे पठाइएको डीएसपी भट्टराईले बताए ।
