काठमाडौं । मेडिकल व्यवसायी दुर्गा प्रसाईँ पक्राउ परेका छन् । सीआईबीको टोलीले प्रसाईंलाई भर्खरै पक्राउ गरेको हो । उनी भक्तपुरस्थित आफ्नै घरबाट पक्राउ परेका हुन् ।
प्रसाईँमाथि प्रधानमन्त्री एवं एमाले अध्यक्ष केपी शर्मा ओली लगायतविरुद्ध भ्रामक प्रचार गरेको आरोप छ ।
स्रोतका अनुसार उनीविरुद्ध विद्युतीय कारोबार ऐन, २०६३ बमोजिम मुद्दा चलाइने भएको छ । सीआईबी मातहतकै साइबर क्राइम ब्युरोले सो मुद्दा चलाउने भएको हो ।
यसअघि पनि प्रसाई रास्वपा केन्द्रीय सदस्य टीका संग्रौलालगायतको चरित्र हत्या गरेको आरोपमा ६ असोजमा पक्राउ परेका थिए ।
