काठमाडौँ । युएईमा जारी आइसीसी यु–१९ महिला टि–२० विश्वकपको एसिया छनोटको अन्तिम खेलमा युएईले नेपाललाई ८४ रनको लक्ष्य दिएको छ ।
युएईको अजमानस्थित द सेभेन रङ्गशालामा युएईले टस जितेर पहिला ब्याटिङ गरेको घरेलु टोलिले २० ओभरमा ९ विकेट गुमाएर ८३ रन जोड्यो ।
युएईकी समिरा धर्नीधर्काले ३१ तथा रिनिथा रजिथले २० रन जोडिन् । नेपालकी कृष्मा गुरुङले ४ तथा रिया शर्माले २ विकेट लिइन् ।
नेपालले यु–१९ विश्वकपमा छनोट हुनका लागि यो खेलमा युएईलाई जित्नै पर्ने हुन्छ । साथै, रनरेटमा पनि युएईलाई पछाडि पार्नुपर्छ ।
