काठमाडौं । नेकपा माओवादी केन्द्रले उपनिर्वाचन अघि पदाधिकारी बैठक बोलाएको छ ।
उपनिर्वाचनको मिति नजिकिएकाले उपनिर्वाचन र चुनावी गठबन्धनको विषयमा छलफल गर्न पदाधिकारी बैठक बोलाएको सचिव दिनानाथ शर्माले बताए । बैठक शुक्रबार बिहान ११ बजे पेरिसडाँडाम बस्ने उनले बताए ।
यसअघि बस्ने भनिएको केन्द्रीय कमिटीको बैठक उपचुनावपछि मात्रै बस्ने तयारी गरिएको शर्माले बताए ।
माओवादीको अब बस्ने केन्द्रीय कमिटीको बैठकपछि पार्टी निर्माणको अभियान चलाउन तयारी गरेको छ। यही केन्द्रीय कमिटीको बैठकमा अध्यक्ष पुष्पकमल दाहाल प्रचण्डले पार्टीभित्र उठेका विषयवस्तुलाई पनि आफ्नो दस्तावेजमा समेट्ने बताएका छन् ।
