एजेन्सी । कन्नड फिल्म निर्देशक गुरुप्रसादको निधन भएको छ । प्रहरीले उनको बेंगलुरुस्थित अपार्टमेन्टमा सडेको अवस्थामा शव फेला पारेको छ ।
रिपोर्टका अनुसार गुरुप्रसादले केही दिन अघि आत्महत्या गरेका थिए । उनी आर्थिक संकटसँग जुधिरहेका थिए ।
एसियानेट न्युजका अनुसार गुरुप्रसादको घरबाट छिमेकीले दुर्गन्ध आइरहेको थियो । यसपछि उनीहरुले प्रहरीलाई खबर गरेका थिए ।
घटनास्थलमा पुगेको प्रहरीले गुरुप्रसादलाई पंखामा झुण्डिएको अवस्थामा फेला पारेको थियो । उनले केही दिनअघि आत्महत्या गरेको खुलासा भएको थियो ।
जानकारीका अनुसार फिल्म निर्देशक गुरुप्रसादमाथि धेरै ऋण थियो । ऋणीहरुले उनलाई दबाब दिइरहेका थिए । उनीविरुद्ध अदालतमा पनि धेरै मुद्दा चलिरहेका थिए ।
हालै उनको फिल्म रंगनायक फ्लप भयो, जसका कारण उनी डिप्रेसनमा गए । यी सबैबाट दिक्क भएर गुरुप्रसादले आत्महत्या गरेको बताइएको छ ।
गुरुप्रसादको जन्म २ नोभेम्बर १९७२ मा बेंगलुरुमा भएको थियो । उनले सन् २००६ मा फिल्म माताबाट निर्देशनमा डेब्यु गरेका थिए । यो फिल्म बक्स अफिसमा हिट साबित भयो । त्यसपछि उनले निर्देशन गरेको फिल्म ‘अदेलु मञ्जुनाथ’ पनि हिट भयो ।
निर्देशनका अलावा उनले धेरै चलचित्रमा अभिनय पनि गरेका छन् । धेरै रियालिटी शोमा जजको रुपमा पनि काम गरे । गुरुप्रसादले २०१४ मा बिग बोस कन्नडको दोस्रो सिजनमा वाइल्ड कार्ड प्रतियोगिका रूपमा प्रवेश गरेका थिए । यतिबेला उनी फिल्म अदेयमीको सुटिङमा व्यस्त थिउ ।
