काठमाडौं । नेपाल, अमेरिका र स्कटल्याण्डबीच अमेरिकमा हुन गइरहेको आईसीसी विश्वकप लिग २ सिरिजका लागि नेपाली टोली घोषणा गरिएको छ ।
नेपाल क्रिकेट संघ (क्यान)ले शनिबार रोहित पौडेलको कप्तानीमा १५ सदस्यीय टोली घोषणा गरेको हो ।
यसअघि अमेरिका विरुद्ध टी-२० सिरिज नखेलेका सन्दीप लामिछाने टिममा आएका छन् । यस्तै, सागर ढकाल र देव खनाल रिजर्भमा परेका छन् ।
लिग २ मा नेपालले पहिलो खेल आइतबार घरेलु टोली अमेरिकासँग खेल्नेछ ।
नेपाली टिम:
रोहित पौडेल, कुशल भुर्तेल, आसिफ सेख, अनिल साह, भीम सार्की, आरिफ सेख, कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुलशन झा, रिजन ढकाल, सन्दीप लामिछाने र ललित राजवंशी ।
