काठमाडौँ । राष्ट्रिय स्वतन्त्र पार्टी (रास्वपा)ले भोलीबाट काठमाडौँमा आन्दोलन गर्ने भएको छ ।
पार्टी सभापति रवि लामिछाने पक्राउ परेपछि पोखरा केन्द्रित आन्दोलन गर्दै आएको रास्वपाले काठमाडौँमा पनि आन्दोलन गर्ने भएको हो ।
रास्वपाले पोखरा केन्द्रित विरोध प्रदर्शनका कार्यक्रम गर्दै आएकोमा शुक्रबारदेखि भने काठमाडौँमा प्रदर्शन गरिने प्रदेश सभापति राजन गौतमले जानकारी दिए । उनले भने, ‘हामी आन्दोलनलाई अब काठमाडौँ केन्द्रित गर्छौँ । पोखराको आन्दोलन आज अन्तिम हो ।’
पोखराको सूर्यदर्शन सहकारीको रकम गोर्खा मिडियामार्फत अपचलन गरेको अभियोगमा लामिछाने गत शुक्रबार काठमाडौँबाट पक्राउ परेका थिए । सभापतिलाई पूर्वाग्रही ढंगले पक्राउ गरिएको भन्दै रास्वपाका नेता तथा कार्यकर्ताले विरोध गर्दै आईरहेको छ ।
