काठमाडौं । सहकारी प्रकरणमा कास्की प्रहरीको हिराससतमा रहनु भएका राष्ट्रिय स्वतन्त्र पार्टीका सभापति रवि लामिछानेले सरकारी वकिल कार्यालयले अनाबश्यक रुपमा बयान लम्बाएको भन्दै असन्तुष्टि जनाउनु भएको छ ।
साढे दुई बजेबाट सुरु भएको बयानमा अनावश्यकलम्ब्याइएको भन्दै रवि असन्तुष्ट हुनु भएको छ । प्रहरी हिरासतको अवधि लम्ब्याउने र अदालतमा छिटो पेश नगर्ने नियतले बयानमा ढिलासुस्ती गरेको भन्दै लामिछानेले बयान नसकेसम्म बसेको कुर्सी नछोड्ने अडान लिनु भएको छ ।
कास्की जिल्ला प्रहरी कार्यालय स्रोतकाअनुसार उनलाई बयानका लागि भन्दै ३ बजे बयान कक्षमा बोलाईएको थियो । स्रोतकाअनुसार लामिछानेलाई आज जम्मा ३ वटा प्रश्न गरेर आजका लागि बयान सकिएको भन्दै भोलि पुन: बयान हुने भनिएपछि रविले आफू बयानका लागि तयार रहेको र प्रश्न बाँकी भए सबै प्रश्न गर्न अनुसन्धानकर्ताहरूलाई आग्रह गर्नुभएको थियो ।
रविले बयान कक्षको कुर्सीबाट उठ्न नमाने पछि अहिले अनुसन्धान अधिकृतहरू अलमलमा परेका छन् ।
रास्वपा केन्द्रीय सदस्य दीपक बोहराले भन्नुभयो “सरकार बयान लम्वाउने र नियतबस दु:ख दिने चालमा लागेको छ । बयान बाकि छ भने निरन्तर गर्नुपर्छ , यसबाट पनि यो घटना राजनीतिक प्रतिशोध हो भन्ने पुष्छि हुन्छ ।”
गत शुक्रबार काठमाडौँबाट पक्राउ गरेर कास्की पुर्याइएका लामिछानेलाई आइतबार अदालतमा पेश गरिएको थियो ।
जिल्ला अदालत कास्कीले उनीमाथि हिरासतमा राखेर अनुसन्धान गर्न शुक्रबार देखि नै लागू हुनेगरि ६ दिन म्याद थपेको थियो । जसअनुसार बिहीबार अदालतको म्याद सकिदैछ ।
