काठमाडौं । अभिनेत्री अशिष्मा नकर्मी आमा बन्ने तयारीमा रहेकी छिन् ।
सामाजिक संञ्जालमा बेबी बम्पसहितको तस्बिरहरू सेयर गर्दै अशिष्माले आफू आमा बन्न लागेको जानकारी गराएकी हुन् ।
अशिष्माले २०७४ सालमा नविनचन्द्र प्रधानसँग लगनगाँठो कसेकी थिइन्। विवाह गरेको ७ वर्षपछि उनले पहिलो सन्तानलाई जन्म दिन लागेकी हुन्।
विवाहपछि उनी श्रीमानसँग अमेरिकामा बस्दै आइरहेकी छिन्।
एक दर्जन चलचित्र र सयौँ म्युजिक भिडियोमा काम गरेकी उनी पछिल्लो समय भने मनोरञ्जनको दुनियाँबाट टाढा छिन् ।
