काठमाडौं । साफ महिला च्याम्पियशिप फुटबलमा नेपालले माल्दिभ्सविरुद्ध सानदार जित निकालेको छ ।
त्रिपुरेश्वरस्थित दशरथ रंगशालामा भर्खरै सम्पन्न खेलमा नेपालले माल्दिभ्सलाई ११-० गोलले हराएको हो ।
नेपाललाई फराकिलो जित दिलाउन रेखा पौडेल एक्लैले ५ गोल गरिन् भने प्रीति राईले ह्याट्रिक गरिन् । यस्तै, सबिता रानामगर अनिता केसी र अमिशा कार्कीले १-१ गोल गरे ।
रेखाले ३२, ४२, ४८, ६३ र ७८ औं मिनेटमा गोल गरिन् । प्रीतिले ६, ६५ औ र ८७ औं मिनेटमा (पेनाल्टीमार्फत) गोल गर्दै ह्याट्रिक पूरा गरिन् ।
यस्तै, सबिताले २८, अनिताले ६८ र अमिशाले ८८ औं मिनेटमा गोल गरे ।
