पोखरा । सहकारी ठगी प्रकरणमा पूर्व उपप्रधान एवम् गृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछाने पक्राउ परेपछि रास्वपाका समर्थकहरु पोखरामा प्रदर्शनमा उत्रिएका छन् ।
राजनीतिक प्रतिशोधका आधारमा लामिछानेलाई पक्राउ गरेको भन्दै रास्वपाले सोमबार पोखराको पृथ्वीचोकमा प्रदर्शन गरेको हो ।
लामिछानेलाई शुक्रबार साँझ नेपाल प्रहरीको केन्द्रीय अनुसन्धान ब्यरो (सीआईबी)को टोलीले पार्टी कार्यालय वनस्थलीबाट नियन्त्रणमा लिएर जिल्ला प्रहरी कार्यालय कास्की लगेको थियो ।
हिजो आईतबार अदालतमा पेश गरेका लामिछानेलाई अदालतले ६ दिन हिरासतमा राख्न अनुमति दिएको थियो ।
हिजो पनि रास्वपाका नेता तथा कार्यकर्ता तथा शुभेच्छुकहरुले प्रर्दशन गरेका थिए । त्यसक्रममा केही झडपको स्थिती सिर्जना भएको थियो ।
