पोखरा । सहकारी ठगी मुद्दामा पक्राउ परेका गोरखा मिडिया नेटवर्कका प्रबन्ध निर्देशक एवम् राष्ट्रिय स्वतन्त्र पार्टीका सभापति रवि लामिछानेलाई जिल्ला अदालत, कास्कीमा उपस्थित गराइएको छ ।
शुक्रवार काठमाडौंस्थित पार्टी कार्यालयबाटै पक्राउ परेका रविलाई आज अदालत उपस्थित गराइएको हो ।
शनिबार सार्वजनिक बिदा परेका कारण आइतबार अदालतमा उपस्थित गराइएको हो ।अदालत बाहिर लामिछानेका समर्थक र सहकारी पीडित दुवै पक्ष जम्मा भएका छन् । रवि लामिछाने समर्थकले सहिद चोक र सहकारी पीडित पक्षधरले राष्ट्र बैंक चोकमा प्रदर्शन गरिरहेका छन् ।
पोखराको सूर्यदर्शन सहकारीको संस्थापक अध्यक्ष गीतेन्द्रबावु (जिवी राई)सँग मिलेर लामिछानेले गोर्खा मिडिया नेटवर्कमा रकम ल्याएर अपचलन गरेको आरोपमा रविमाथि जिल्ला प्रहरी कार्यालय कास्कीले अनुसन्धान गरिरहेको छ ।
