काठमाडौँ । सुनको मूल्यमा नयाँ कीर्तिमान कायम भएको छ ।
नेपाल सुनचाँदी व्यवसायी महासङ्घ नेपालका अनुसार लगातार उकालो लागेको सुनको मूल्य आजको वृद्धिपछि नयाँ उचाइमा पुगेको हो ।
महासङ्घका अनसार सुनको मूल्य आज प्रतितोला रु छ सयले वृद्धि भएको छ । शुक्रबार प्रतितोला १ लाख ६४ हजार ४०० रुपैयाँ कायम भएको छापावाला सुन आजका लागि भने रु एक लाख ६५ हजार निर्धारण भएको छ ।
यस्तै, आइतबार चाँदीको मूल्य पनि बढेको छ । शुक्रबार १ हजार ९८० रुपैयाँमा कारोबार भएको चाँदीको मूल्य आज २ हजार ७५ रुपैयाँ कायम भएको हो ।
