काठमाडौं । राष्ट्रिय स्वतन्त्र पार्टीका सभापतिसमेत रहेका पूर्वगृहमन्त्री रवि लामिछानेको पक्राउविरुद्ध ठाउँठाउँमा प्रदर्शन भएको छ ।
लामिछानेलाई स्थलमार्ग हुँदै पोखरा लगिँदै छ । उनलाई लैजाने बाटोमा समर्थकहरुले प्रदर्शन गरेका छन् ।
लामिछानेले आफूलाई गाडि मै पोखरा लैजान अनुरोध गरेको बताइएको छ । त्यसपछि प्रहरीले पक्राउ गरेलगत्तै राजमार्गहुँदै पोखरा लगेको हो । तर राजमार्गका ठाउँठाउँमा प्रदर्शन भएको छ । प्रहरीलाई अवरोध गर्ने प्रयास पनि प्रदर्शनकारीले गरेका छन् ।
काठमाडौंदेखि नै रविको समर्थनमा प्रदर्शन भएको हो । बाटोमा पर्ने हरेक जसो बजार क्षेत्रमा समर्थकहरु सडकमा आएर प्रदर्शन गरेका छन् । उनलाई कडा सुरक्षा घेराभित्र राखेर लगिँदै छ । राजमार्गहरुमा पनि बाक्लो संख्यामा सुरक्षाकर्मी परिचालन गरिएको छ ।
