काठमाडौं । काठमाडौं महानगरपालिकाका प्रमुख बालेन्द्र शाहले हिन्दु राष्ट्र संविधानमा नभइ स्वाभिमानमा चाहिने धारणा राखेका छन् ।
फेसबुक स्टाटसमा कवितांश पोष्ट गर्दै बालेनले हिन्दु राष्ट्रबारे उल्लेख गरेका हुन् । उनले दशैँकै अन्तिम दिन बेलुकी हिन्दु राष्ट्रको औचित्यबारे कविता नै पोष्ट गरेका हुन् ।
उनले लेखेका छन्–
गाउँ मासेर बनेको शहरको के काम ?
आफ्नो ठाउँ नै नरहे पछि,
नाउँ बेचेर बनेको रहरको के काम ?
आफ्नो भाउ नै नभए पछि,
मलाई बुद्ध बोलीमा हैन,
ज्ञानमा चाहिन्छ ।
हिन्दु राष्ट्र संविधानमा हैन,
स्वाभिमानमा चाहिन्छ ।
यसैबीच बालेनको सचिवालयका एक सदस्यले गौशाला धर्मशाला भाडामा लगाउन सोच्न पनि नसकिने बताएका छन् । उनले भनेका छन्– पाशुपत क्षेत्र : गौशाला धर्मशाला भाडामा लगाउन सोच्न पनि सकिँदैन । देवभूमि बेच्ने बाटोमा सरकार, सरकारविहीन स्थितिमा देश ।
१९९९ साल वैशाख २२ गते पशुपति गौशाला उद्घाटन भएको थियो । त्यहाँ कसैलाई पनि धर्मशाला बनाउने र भाडा दिने उद्देश्य थिएन । आज सेवामा नाफा घाटाको हिसाव गर्छन । केही नाफाखोरीहरूले गौशालामा जर्सिगाई पालन गरि सयैं लिटर दूध वेच्ने फार्म चलाउने गरि कमाउको अखडा बनाए । धन्धा बनाए । गौशाला धर्मशालामा बढीमा दुई वा तीन दिनसम्म मात्र नि:शुल्कमा तिर्थयात्रीहरूलाई वास तथा भोजनको व्यवस्था गर्नुपर्ने हो ।
नाफाखेरी संचालक वाट धर्मशालालाई लज वनाएर बाह्र सयभन्दा बढीसम्म पैसा लग्ने गरेको चलाए । सटरहरु पैतिस हजारसम्म भाडामा लगाइएको छ । श्री पशुपतिनाथको श्रीसम्पत्तिमा रजाईं गरियो । वास्तविक समाजसेवी माडवारिलाई बदनाम गरियो । सच्चा माडवारि समुदायले विगतदेखि हाल सम्म भगवान श्री पशुपतिनाथको नाममा ज्ञात अज्ञात रूपमा गर्दै समाज सेवा गर्दै आएको छ ।
व्यापार गर्ने नियत भएका नाफाखोरि समाजसेवीलाई गौशाला धर्मशालामा पूर्णप्रतिबन्ध लगाई प्रवेश निषेध गरि अब उपरान्त श्री पशुपति क्षेत्र विकास कोषको स्वामित्वमा रहने गरि पुर्ण नि:शुल्क निस्वार्थ भावनाबाट गौ तथा नन्दीको सेवा र विशुद्ध तिर्थयात्रीहरूका लागि धर्मशाला संचालन गर्न काठमाण्डौ महानगर पालिकासँग सहकार्य गर्ने सहमति भएको हो ।
