काभ्रे। गत असोज ११ र १२ गतेको अविरल वर्षापछि आएको बाढी पहिरो कारण क्षति भएको वीपी राजमार्ग आजदेखि राति १० घण्टा बन्द हुने भएको छ ।
डिभिजन सडक कार्यालय भक्तपुरले सूचना जारी गर्दैधुलिखेल-भकुण्डेवेसी-वर्षेखोला सडकखण्ड आजदेखि
बेलुका ६ बजेदेखि विहान ४ बजेसम्म सडक बन्द हुने जानकारी दिएको हो ।
बाढीपहिरो र डुबानले क्षति पुर्याएको भकुण्डेबेँसी वर्षेखोला खण्ड (काभ्रे) को करिब ८ किलोमिटर सडक नयाँ ट्रयाक खोली यात्रुवाहक सवारी साधन सुचारु गरिएको थियो । तर, नयाँ ट्र्याकको मर्मत तथा सुधार कार्य भइरहेको र जुनसुकै समयमा पनि सुख्खा पहिरो झर्ने सम्भावना रहेकोले बेलुका ६ बजेदेखि बिहानको ४ बजेसम्म उक्त खण्ड बन्द गरिएको डिभिजन सडक कार्यालय भक्तपुरका सिनियर डिभिजनल इन्जिनियर सुमन योगेशले जानकारी दिए।
