काठमाडौं । अस्ट्रेलियाले भारतलाई नौ रनले हराउँदै आईसीसी वुमेन्स ट्वान्टी ट्वान्टी वर्ल्डकप २०२४ को सेमिफाइलन यात्रा निश्चित गरेको छ ।
अर्कोतर्फ हारपछि भारतको भविष्य भने अर्को टिमको हातमा गएको छ । अस्ट्रेलिया महिला ट्वान्टी ट्वान्टी विश्वकपको सेमिफाइनल पुगेको यो लगातार नवौंपल्ट हो ।
सारजाहमा भएको खेलमा अस्ट्रेलियाले पहिले ब्याटिङ गर्दै आठ विकेटमा १ सय ५१ रन बनाएको थियो । ग्रिस ह्यारिसले ४० रन बनाइन् । जवाफमा भारतले नौ विकेट गुमाएर १ सय ४२ रन मात्र बनाउन सक्यो । उसका लागि हरमनप्रितले नटआउट रहँदै ५४ रन बनाए पनि त्यो पर्याप्त रहेन ।
यो जितपछि डिफेन्डिङ च्याम्पियन अस्ट्रेलिया समूह ‘ए’ को शीर्षमा रहने निश्चित भएको छ । उसले लिग चरणका सबै चार खेल जितेको छ । भारत अझै दोस्रो स्थानमा छ ।
अब अर्को खेलमा पाकिस्तानले न्युजिल्यान्डले हराउने र भारत ती दुवै टिमको रन रेटभन्दा माथि रहेको अवस्थामा उसको सेमिफाइनलको सम्भावना रहनेछ ।
